„ჯიჯის“ მედია-ლაბორატორიაში ბოლო სამი დღეა დოკუმენტურ ფილმთან დაკავშირებით გენერალური რეპეტიციები მიმდინარეობს. ისტორიის პედაგოგი ხათუნა პერტია და მედია-ლაბორატორიის ხელმძღვანელები V-VI კლასის მოსწავლეებთან და მშობლებთან ერთად ფილმის მომზადებასთან დაკავშირებით ბოლო და აუცილებელ დეტალებს განიხილავენ. დოკუმენტური ფილმი „სამეგრელო„, რომლის ხანგრძლივობაც 45 წუთი იქნება, მთლიანად ეთმობა ჩვენი კუთხის ისტორიულ მიმოხილვას. ფილმის მთავარი გმირები გიმნაზიის მოსწავლეები არიან. დოკუმენტური ფილმის პრეზენტაცია „ჯიჯის“ დაბადების დღეს, სექტემბრის თვეში იგეგმება.

ზაფხულის არდადეგები დაიწყო, მაგრამ გიმნაზიის ადმინსტრაცია და მასწავლებლები მომავალი სასწავლო წლის სამზადისს შეუდგნენ. დღევანდელ შეხვედრაზე გონებრივი იერიშის გამოყენებით თავი მოეყარა ყველა იდეას, რომელიც ხელს შეუწყობს მომავალი სასწავლო წლის ეფექტურად დაწყებასა და წარმართვას. გათვალისწინებულია საზაფხულო მიზნობრივ აქტივობებში გიმნაზიის მოსწავლეთა ჩართვა.

24 ივნისს, GG ივენთ ჰოლში ჩატარდა ინგლისურენოვანი სპექტაკლი „ზღაპარი ზღაპარში“. პსექტაკლში მონაწილეობდნენ ჯიჯის დრამის კლუბის წევრები. ბავშვებმა სცენაზე გააცოცხლეს ზღაპრების: „კონკია“, „ფიფქია და შვიდი ჯუჯა“ და „მზეთუნახავი და ურჩხული“ გმირები.