ქართული
Pусский
English
30 ივნისს ჯიჯის პედაგოგთა გუნდს გიმნაზიის საპატიო პრეზიდენტი ბატონი ალექსანდრე ღურწკაია შეხვდა და პირველი სასწავლო წლის წარმატებით დასრულება მიულოცა. მან ხაზი გაუსვა ამ წლის მნიშვნელობას სკოლის აწმყოსა და მომავლისთვის და პედაგოგებს გაუზიარა თავისი საინტერესო შეხედულებები სწავლა-სწავლების პროცესთან დაკავშირებით.
ბატონმა ალექსანდრემ მასწავლებლებს გააცნო მისი ნაშრომის მონახაზი ძველი კოლხეთის ისტორიაზე. გამოსაცემად მზადდება წიგნი, რომელიც არაჩვეულებრივი გზამკვლევი იქნება მხარეთმცოდნეობის მიმართულებით. მან პედაგოგებს აზრის გაზიარებისა და თანამშრომლობისკენ მოუწოდა.
საპატიო პრეზიდენტმა მონაწილეობა მიიღო გიმნაზიის პედაგოგიური საბჭოს სხდომაშიც, რომელზეც გასული წლის მუშაობის შედეგები შეჯამდა და დაისახა გეგმები საქმიანობის შემდგომი დახვეწის მიზნით.
