ქართული
Pусский
English
„ჯიჯი - გიმნაზიის“ მეოთხე კლასის მოსწავლეებმა დაასრულეს პროგრამული მასალა და სასწავლო წლის ბოლომდე შესწავლილი მასალის გამეორებით, რიცხვთა თვისებების კვლევებითა და ამოცანათა ამოხსნის სხვადასხვა ხერხების დაუფლებით დაკავდებიან.
ამ გეგმის შესაბამისად, დღევანდელ გაკვეთილზე მათემატიკის მასწავლებელმა ბატონმა თენგიზ ჩაკაბერიამ 3-ზე გაყოფადობის ნიშნის აღმოჩენის მიზნით ჩაატარებინა კვლევა. კვლევას დამოუკიდებლად აწარმოებდა ორი ჯგუფი. ჯგუფებს მიეწოდათ კვლევის ინსტურქცია და კვლევის შედეგების ასახვის ფურცლები. გაკვეთილი მიზნად ისახავდა მოსწავლეებში ინსტრუქციის სწორად გაგების, რიცხვების თვისებებზე მარტივი კვლევის, კანონზომიერების აღმოჩენისა და დასკვნის ჩამოყალიბების უნარების განვითარებას. დავალება არც ისე მარტივი აღმოჩნდა ბავშვებისთვის, მაგრამ მასწავლებლის მცირე დახმარებით მათ შეძლეს დასრულებული სახე მიეცათ კვლევისთვის.
ჯგუფებმა ნამუშევრები შეაჯერეს და ერთობლივად ჩამოაყალიბეს 3-ზე გაყოფადობის ნიშანი. რამდენიმე მაგალითზე მოსინჯეს კიდეც რამდენად სწორად მუშაობდა იგი.
გაკვეთილის ბოლოსთვის ბავშვები დაღლილები, მაგრამ მაინც კმაყოფილები დარჩნენ, რადგან მიზანი მიღწეულ იქნა.
