სადამრიგებლო საათი

დღეს მეხუთე -მეექვსე კლასებში დირექორის მოადგილემ აღმზრდელობით დარგში ელისო რაფავამ და დამრიგებელმა ლელა კვირტიამ ჩაატარეს სადამრიგებლო საათი თემაზე: პიროვნული და მორალური განვითარება. მოსწავლეებმა ისაუბრეს საკუთარ პიროვნულ თვისებებზე, შეცდომებზე და თანატოლებთან ურთიერთობაზე. მასწავლებელმა აუხსნა რა განსხვავებაა ტყუილსა და ფანტაზიას შორის და რა ცუდი შედეგი მოსდევს ტყუილს. ბავშვებმა გაიხსენეს ცხოვრებისეული მაგალითები და იმსჯელეს შედეგების გააზრების მნიშვნელობაზე. ბავშვებს დაურიგეს მიზნობრივი ტექსტი და როლური თამაში შესთავაზეს. თითოეული ბავშვი ყვებოდა შინაარს პერსონაჟის პოზიციიდან. მსმენელები კითხვებს უსვამდნენ მთხრობელ „პერსონაჟს“. ამ დავალებამ ხელი შეუწყო ტექსტში დასმული პრობლემების ამოცნობასა და ჩამოყალიბებას, ასევე, იმის განსაზღვრას, თუ როგორაა ეს პრობლემები ტექსტში და სინამდვილეში გადაწყვეტილი.
მოსწავლეთა საჭიროებიდან გამომდინარე შემდეგი სადამრიგებლო საათი ჩატარდება თემატიკით: მოქალაქეობრივ-პატრიოტული ცნობიერება.