GG-კლუბი

GG-ში მოგზაურთა კლუბი შეიქმნა....

GG-ს საპატიო პრეზიდენტის ბატონ ალექსანდრე ღურწკაიასა და მზრუნველთა საერთაშორისო საბჭოს წევრის ქალბატონ ვიკტორია კოროლიოვას GG-ს პედაგოგებთან და მოსწავლეებთან შეხვედრისას წამოყენებული იდეების განსახორციელებლად იქმნება მოგზაურთა კლუბი „არგო“. საპროექტო ჯგუფს ხელმძღვანელობს ისტორიის მეცნიერებათა დოქტორი ქალბატონი ხათუნა პერტია.
კლუბის ძირითად ფუნქციებად განისაზღვრა:
• ინფორმაციისა და მასალის მოძიება, შეგროვება, დახარისხება სხვადასხვა ქვეყნებისა და ეპოქების შესახებ;
• მიზნობრივი ტურის მოწყობა;
• მოძიებული ინფორმაციისა და მასალების განთავსება გიმნაზიის მუზეუმში.
პროექტი მიზნად ისახავს ხელი შეუწყოს კლუბის წევრთა თვალსაწიერის გაფართოებას, მოსწავლეთა პატრიოტულ და ტოლერანტულ აღზრდას, მიღებული ცოდნის პრაქტიკაში გამოყენებას, მოტივაციის ამაღლებასა და გუნდური უნარ-ჩვევების განვითარებას.