ამ წუთებში, ჯიჯი გიმნაზიის დელეგაცია და ანსამბლი “ჯიჯიელები” საერთაშორისო თანამშრომლობის პროგრამის ფარგლებში გაცნობითი ვიზიტით ბაქოს სკოლა-ლიცეუმში იმყოფებიან.

მასპინძლებმა გულთბილი დახვედრა და მიღება მოუწყვეს სტუმრებს.
სკოლის დირექტორი, ქალბატონი ილახა ჯარჩიევამ ჯიჯის დელეგაციას გააცნო ლიცეუმის ისტორია, მიღწევები და დაათვალიერებინა სკოლა.
ქართველები და აზერბაიჯანელი მოსწავლეები, ერთმანეთს თავიანთი ქვეყნის კულტურას აცნობენ. მასპინძლებმა ანსამბლ "ჯიჯიელების" მიერ შესრულებული მუსიკალურ- ქორეოგრაფიული ნომრები აპლოდისმენტებითა და ოვაციებით შეაფასეს.
სკოლის დირექტორმა აღნიშნა, რომ ეს ბავშვები აუცილებლად უნდა ნახოს მსოფლიომ. მისივე განმარტებით, დღეს მათ სკოლაში არის განსაკუთრებული დღე, რადგანაც მასპინძლობენ დელეგაციას მოძმე საქართველოდან.
ჯიჯის ხელმძღვანელობამ არჩევანი გააკეთა აღნიშნულ საგანმანათლებლო დაწესებულებაზე, რადგან ის ერთ-ერთ საუკეთესო სკოლად ითვლება ბაქოში.
შეხვედრის ბოლოს სტუმრებმა და მასპინძლებმა საჩუქრები გაცვალეს.