რუბრიკა: -"ბუხრის ფიზიკა ჯიჯიში".

დღეს, ჯიჯი გიმნაზიის ტრადიციების ცენტრში, მოეწყო ინოვაციური მასტერ-კლასი -კლასიკური ბუხრის აგება და მისი დანიშნულებები.
გამოცდილი ოსტატი, ფიზიკა-მათემატიკის სპეციალისტი, ბატონი როინ ჩოკორაია, დაინტერესებულ ჯიჯიელებს, ბუხრის დანიშნულებისა და ისტორიის შესახებ ესაუბრა. გააცნო სხვადასხვა სტილის ბუხრებს შორის მსგავსება-განსხვავება. ჯიჯიში მშენებარე ბუხრის მაგალითზე, უჩვენა, მისი აგების ტექნოლოგია. აუხსნა ბუხრის აგებასა და გამოყენებასთან დაკავშირებული მათემატიკისა და ფიზიკის საკითხები, უპასუხა დასმულ შეკითხვებს.
დაინტერესებულ ჯიჯიელებს ექნებათ შესაძლებლობა შეგირდობის გზით დაეუფლონ პრაქტიკულ უნარ-ჩვევებს. სწორედ ესაა, ჯიჯის ტრადიციების სასწავლო ცენტრის დანიშნულება -აღვადგინოთ და შევინარჩუნოთ ძველი, თითქმის დავიწყებული პროფესიები.