ქართული
Pусский
English
ჯიჯი გიმნაზიის მე-8 კლასის მოსწავლეები დღეს, ზუგდიდის რაიონულ სასამართლოს სტუმრობდნენ.
პროექტი სახელწოდებით: "ერთი დღე მართლმსაჯულების სახლში", მიზნად ისახავდა, მოსწავლეები გაცნობოდნენ სასამართლო სისტემას, რათა თითოეულმა მოქალაქემ დაიცვას თავისი უფლება-მოვალეობები სამართლიანი და კანონიერი გზით, სასამართლოს მეშვეობით.
მე-8 კლასის მოსწავლეები დაესწრნენ რეალურ სასამართლო პროცესს.
როგორც პროექტის ავტორი და ჯიჯი გიმნაზიის ინგლისური ენის პედაგოგი, ქალბატონი ნინო მაჭარაძე განმარტავს, მოსწავლეებმა სასამართლო პროცესის შემდეგ გადაწყვიტეს განახორციელონ, კიდევ ერთი პროექტი- "იმიტირებული სასამართლო პროცესი", სადაც, პროკურორის და მოსამართლის პოზიციებს თავად შეითავსებენ.
ჯიჯიელებმა შეისწავლეს მართლმსაჯულებასთან დაკავშირებული ტერმინოლოგია ინგლისურ ენაზე და უახლოეს მომავალში შეეცდებიან, იმიტირებული პროცესი ინგლისურ ენაზე წარმართონ.
