"სადისკუსიო კლუბის" მორიგი შეხვედრა.

დღეს, "ჯიჯი"-ს შემეცნებით ცენტრში სადისკუსიო კლუბის ფორმატით გაიმართა მსჯელობა-პოლემიკა თემაზე: "თავმდაბლობა-სისუსტე თუ გონიერება?!".
დისკუსიაში მონაწილეობა მიიღეს გიმნაზიის მე-4, მე-7 და მე-8 კლასის მოსწავლეებმა. ღონისძიებას ესწრებოდნენ ადმინისტრაციის წარმომადგენლები და პედაგოგები. შეხვედრას ორგანიზება ტუტორ-დამრიგებლებმა, ესმა გაბისონიამ და ბატონმა კობა შონიამ გაუწიეს.
მოზარდებმა იმსჯელეს მათთვის მნიშვნელოვან და საინტერესო საკითხებზე. წარმოაჩინეს ურთიერთობის მათთვის სასურველი და მისაღები ფორმები. ხაზი გაუსვეს პატიება-მიტევების, დათმენის, პატივისცემის აუცილებლობას მეგობრებთან, თუ საზოგადოების სხვა წარმომადგენლებთან მიმართებაში.
აღნიშნეს, რომ თავმდაბლობა სხვის მიმართ შემწყნარებლობაში, პატივისცემასა და თანაგრძნობაში უნდა გამოვლინდეს, და ეს არა სისუსტედ, არამედ წინდახედულობად და ღირსეულ ქცევად შეაფასეს.