ქართული
Pусский
English
დღეს, გეოგრაფიის პედაგოგმა, ქალბატონმა ნანა ჯაბურიამ, მე-7 მე-8 კლასში, განახორციელა პროექტი სახელწოდებით: "ვის უნდა დიდი გეოგრაფი?"
პროექტის მიზანია, ნასწავლი მასალის განმტკიცება, დამატებითი გეოგრაფიული ცოდნის შეძენა და დამუშავება, დამოუკიდებლად პრობლემის გადაჭრა კრიტიკული აზროვნების განვითარება, კავშირებისა და მიმართების დადგენა და სივრცეში ორიენტირება.
გუნდებს შორის საკმაოდ დაძაბული თამაში მიმდინარეობდა, მოსწავლეები მოცემულ დავალებებს სხარტად და ემოციურად პასუხობდნენ.
ყველაზე აქტიურ მოთამაშეებად მე-8 კლასის გუნდის წევრები დასახელდნენ. გუნდის კაპიტნის, აკაკი სიჭინავას პორთფოლიოს ერთი წარმატებული ფურცელი ჩაემატა.
"კონკურსმა აქტიური სახე მიიღო , მაღალი იყო მოსწავლეების ჩართულობა და მოტივაცია. მსგავსი პროექტები გიმნაზიაში სისტემატიურად ხორციელდება, ჩვენ ვემზადებით საერთაშორისო მასშტაბით დაგეგმილ კონკურსებში მონაწილეობის მისაღებად"- აღნიშნავს პროექტის ხელმძღვანელი.
