"აბა, რა იყო უშენოდ...".

ჯიჯი გიმნაზიამ ქალთა საერთაშორისო დღესასწაულს საზეიმო ღონისძიება მიუძღვნა. კაფე-საღამოს, სახელწოდებით-"აბა, რა იყო უშენოდ...", ზუგდიდელი საზოგადოება დაესწრო.

ქართული, მონატრებული მელოდიები დათო არჩვაძემ და კვარტეტმა "ჰანგები" ააჟღერა.
საღამო პატარა ჯიჯიელებმა გახსენეს, მათ დარბაზში მსხდომ ყველა ქალბატონს, ყვავილები მიართვეს და 8 მარტი მიულოცეს, რის შემდეგაც სტუმრებმა ქალაქური სიმღერები შეასრულეს.
ღონისძიების მეორე ნაწილი სახალისო კონკურსს დაეთმო, რომელშიც დარბაზი აქტიურად ჩაერთო. ყველა მაგიდიდან თითო წარმომადგენელმა, ჯერ ქალბატონებისადმი მიძღვნილი სადღეგრძელო წარმოსთქვა, მოგვიანებით კი სიმღერა შეასრულა. სახალისო ნომინაციებში გამოვლენილ კონკურსანტებს სერთიფიკატები გადაეცათ.
ღონისძიების დასკვნით ნაწილში ჯიჯის ტორტი გაიჭრა.
ჯიჯი გიმნაზია მსგავსი ტიპის ღონისძიებებს მუდმივად მართავს.
აპრილის ბოლოს, ივენთ-ჰოლი, ჩინური კერძების დასაგემოვნელად გეპატიჟებათ. ჩინეთიდან მოწვეული მზარეულები, ჩინურ ვახშამს, სპეციალურად ზუგდიდელი გურმანებისთვის მოამზადებენ.