"მოსწავლეთა დღე გიმნაზიაში"

დღეს, შემეცნებით ცენტრში, ინგლისურის პედაგოგმა, ქალბატონმა ელენე ჩანგელიამ საინფორმაციო შეხვედრა გამართა თემაზე: "მოსწავლეთა დღე გიმნაზიაში", რომელიც ითვალისწინებს, მოსწავლის ჩართულობას სკოლის ცხოვრებაში.
აღნიშნული შეხვედრა მიზნად ისახავდა, პედაგოგები გაცნობოდნენ პროექტის მნიშვნელობას.
პრექტის მიხედვით, მე-6, მე-7, მე-8 კლასის მოსწავლეები, დღის მანძილზე ჩაენაცვლებიან პედაგოგებს და სკოლის ადმინისტრაციას. ჯიჯის აღსაზრდელები მოირგებენ გიმნაზიის თანამშრომლების პოზიციებს და დაგეგმავენ გაკვეთილებს, ასევე, მათ კომპეტენციაში შედის საგაკვეთილო პროცესის წარმართვა.
როგორც პროექტის ხელმძღვანელი, ქალბატონი ელენე ჩანგელია განმარტავს, პროექტით გათვალისწინებული აქტივობები ხელს შეუწყობს მოსწავლეებში, მასწავლებლის როლისა და მოვალეობების გაცნობიერებას; დამოუკიდებელი ცხოვრების უნარ-ჩვევების გამომუშავებას; პასუხისმგებლობის გრძნობის გააქტიურებას.
პროექტი "მოსწავლეთა დღე გიმნაზიაში" განხორციელდება პარასკევს, 27 ნოემბერს.