ჯიჯიელთა მორიგი წარმატება

ჯიჯი გიმნაზიის მე-2 კლასელების: ანი ძაძუას, ლიზი აბშილავას, მე-4 კლასელის ელენე ქობალიას ნახატები პოლიციელის დღისადმი მიძღვნილ კონკურსში ეროვნული ჟიურის მიერ გამოვლენილ გამარჯვებულთა შორისაა.

ავტორებმა და მათმა ნახატებმა უფლება მოიპოვეს მონაწილეობა მიიღონ გამოფენაში, რომელიც გაიმართება 2015 წლის 6 ივნისს, დილის 11 საათიდან 12:30 საათის ჩათვლით საქართველოს შინაგან საქმეთა აკადემიაში, მისამართზე: თბილისი, გმირ კურსანტთა ქუჩა N1 ("მასწავლებლის სახლის" გვერდით).

კონკურსში ჯიჯიელების მონაწილეობის ორგანიზატორია ბატონი გახა საჯაია.

კონკურსი საქართველოს სასკოლო სპორტის ეროვნულმა ფედერაციამ (პრეზიდენტი -გია ბეგიაშვილი) ჩაატარა.

ნორჩ მხატვრებსა და მასწავლებელს ვულოცავთ ამ გამარჯვებას და შემდგომ წარმატებებს ვუსურვებთ.