ქართული
Pусский
English
დღეს iv კლასში ქართული ენისა და ლიტერატურის მასწავლებელმა ქალბატონმა ნათია ნადარაიამ, ბუნების პედაგოგმა ქალბატონმა ნინო ჭიჭინაძემ, ხელოვნების მასწავლებელმა რუსუდან შანავამ და ტუტორ-დამრიგებელმა გახა საჯაიამ ჩაატარა ინტეგრირებული გაკვეთილი ბოტანიკურ ბაღში.
ქართულის მასწავლებელმა განიხილა ნ.კეცხოველის "დაე, იცოცხლონ კაკაბმა და ხოხობმა!" მხატვრულ ლიტერატურაში ასახული ნადირობასთან დაკავშირებული პრობლემა ანუ თოფით სანადიროდ წასვლა ნიშნავს იმას, რომ სიცოცხლე მოუსწრაფო ცოცხალ არსებას, ამიტომაც უმჯობესია სანადიროდ წახვიდე ფოტოაპარატით შეიარაღებული და გარემოს დაცვასთან ერთად დატკბე ფოტოხელოვნებით.
ისაუბრეს "ხოგაის მინდზე" , ხელოვნურ და ბუნებრივ გარემოზე, " წითელ წიგნში " შეტანილ ფრინველებსა და ცხოველებზე, ფოტოხელოვნებაზე, როგორც ხელოვნების ერთ-ერთ საინტერესო დარგზე.
მოსწავლეებმა, მართლაც "ინადირეს" ფოტოაპარატებით შეიარაღებულებმა და ამაღლებული განწყობით დაბრუნდნენ გიმნაზიაში.
