"მხიარული სტარტები"

დღეს, გიმნაზიის სპორტულ ბაზებსა და ატრაქციონებზე ჯიჯის მოსწავლეების, მშობლებისა და თანამშრომლების მოზღვავება შეიმჩნეოდა.
ჯიჯიელები "მხიარულ სტარტებში" მონაწილეობის მისაღებად ოჯახებით მოვიდნენ.
პატარებმა გული იჯერეს ატრაქციონებზე გართობით და ტრიბუნებზე გადაინაცვლეს, რათა მშობლებისა და პედაგოგებისთვის ეგულშემატკივრათ.
მათი ნაწილი "მერცხლებს" ქომაგობდა, სხვები-"ლომებს".
"მხიარული სტარტები" უფროსების შესრულებით აზარტული გამოდგა. ფავორიტი გუნდი მხოლოდ რამდენიმე სახეობაში შეპაექრების შემდეგ გამოიკვეთა.
საბოლოოდ ქულებით უპირატესობას "მერცხლებმა" მიაღწიეს. თუმცა შეჯიბრს დამარცხებული არ ყავდა.
მშობელთა ასოციაციის სახელით ბატონმა ბიჭუნა გოგიამ გარდამავალი პრიზი ორივე გუნდს გადასცა.
ჯანსაღი ცხოვრების წესის დასამკვიდრებლად ჯიჯიში მსგავსი პროექტები კვლავაც განხორციელდება.