ენების სწავლებისადმი ახალი მიდგომის საპილოტე გაკვეთილი.

დღეს IV კლასში ქართული ენისა და ლიტერატურის მასწავლებელმა ქალბატონმა ნათია ნადარაიამ და ინგლისური ენის მასწავლებელმა
ქალბატონმა ქრისტინა ნაჭყებიამ ჩაატარეს ინტეგრირებული საპილოტე გაკვეთილი, რომელიც პირისა და კუთვნილებითი ნაცვალსახელების განმარტებასა და ორივე ენაში გამოყენების საკითხებს მიეძღვნა. მოსწავლეებმა განმარტეს და დაასახელეს აღნიშული ნაცვალსახელები, ჩამოაყალიბეს მათ შორის მსგავსება - განსხვავებანი ქართულ და ინგლისურ ენებში ჯგუფების, რიცხვისა და ფორმების მიხედვით. წერილობითი სავარჯიშოებით და ზეპირი მაგალითებით განამტკიცეს შესწავლილი მასალა და გამოიყენეს გაკვეთილზევე საკომუნიკაციო სიტუაციებში.
წინ წამოიწია "მე"-სა და "ჩვენ"-ს (პიროვნულსა და კოლექტიურს) შორის მიმართების საკითხმაც. ხაზი გაესვა თქვენობით მიმართვის მნიშვნელობას ყოველდღიურ ეტიკეტში.
მოსწავლეებმა მოიყვანეს საკუთარი ცხოვრებისეული მაგალითები.
გაკვეთილს დაესწრო გიმნაზიის დირექტორი ბატონი ჯამბულ ნაჭყებია.
გაკვეთილის დასრულებისთანავე მოეწყო მისი ბლიც განხილვა.
იმჯელეს გაკვეთილის მიზნებსა და მიღწეულ შედეგებზე, აღინიშნა, რომ ეს მიდგომა განამტკიცებს კავშირს საგანთა შორის, ხელს უწყობს დროის ეფექტურ გამოყენებას, მასალის უკეთ დამახსოვრებას. მიზანშეწონილად ჩაითვალა მომდევნო ინტეგრირებულ გაკვეთილზე რუსული ენაც ჩაერთოს.