ქართული
Pусский
English
მე-6 კლასში მათემატიკის გაკვეთილი თემაზე "მართკუთხედის ფართობი" საინტერესოდ წარიმართა.
მასწავლებლის მიერ გაკვეთილზე გამოყენებული სასწავლო სოფტი "ფიგურის ცნება", შექმნილი პროფესორ დავით სონღულაშვილის მიერ, მოსწავლეებს დაეხმარა ფართობის ცნების გააზრებაში. კერძოდ, მათ თვალნათლივ დაინახეს, რომ გავზომოთ ფიგურის ფართობი ნიშნავს მის შედარებას ზომის ერთეულად მიღებული კვადრატის ფართობთან. ანუ, ფიგურის ფართობი გამოიხატება რიცხვით, რომელიც ტოლია მასში "ჩალაგებული" ერთეულოვანი კვადრატების რაოდენობის. იგივე სოფტის გამოყენებით მოსწავლეებმა შეავსეს სხვადასხვა ზომის კვადრატები და მართკუთხედები საზომ ერთეულად მიღებული კვადრატებით და მივიდნენ დასკვნამდე, რომ მართკუთხედის ფართობი მისი სიგრძისა და სიმაღლის ნამრავლის ტოლია, ხოლო კვადრატისა კი - გვერდის თავის თავზე, ანუ გვერდის კვადრატის. ასევე, გააკეთეს დასკვნა, რომ ფიგურის ფართობი მისი შემადგენელი ფიგურების ფართობების ჯამის ტოლია, თუ ეს ფიგურები ერთმანეთს არ გადაფარავს.
მომდევნო გაკვეთილზე მოსწავლეები თვითონ გაზომავენ სხვადასხვა ზომის ფიგურების გვერდებს და გამოთვლიან ფართობს, ამოხსნიან ფართობთან და პერიმეტრთან დაკავშირებულ ამოცანებს.
