ქართული
Pусский
English
ახალი სასწავლო წლის დაწყებამდე 3 დღით ადრე "ჯიჯის" პედ-კოლექტივმა მშობლებთან შეხვედრა გამართა. გიმნაზიის დირექტორმა შეკრებილ მშობლებს ყველა ის სიახლე გააცნო, რომელიც სკოლაში დაინერგა და რომლის განხორციელებაზე ჯიჯის გუნდი ახალ წევრებთან ერთად იმუშავებს.
დირექტორმა ჯამბულ ნაჭყებიამ ყველა საგნის მასწავლებელი "ივენთ-ჰოლის" სცენაზე მიიწვია, პედაგოგებმა მშობლებს სასწავლო პროგრამები გააცნეს და იმ მეთოდებზე ისაუბრეს, რომელსაც მოსწავლეებთან სასწავლო პროცესის განმავლობაში გამოიყენებენ.
საკუთარ პრიორიტეტებზე და გამოწვევებზე ისაუბრეს "ჯიჯის" გუნდის ახალმა წევრებმაც, წელს კოლექტივს რამდენიმე ახალი პედაგოგი შეემატა, რომლებმაც საკუთარი თავი მშობლებს თავად წარუდგინეს და სამომავლო მიზნებსა და ამოცანებზე ისაუბრეს. მშობლები ყველა პედაგოგის გამოსვლას აპლოდისმენტით შეხვდნენ და შედეგიანი და წარმატებული მუშაობისთვის მასწავლებლებს მადლობა გადაუხადეს.
"ჯიჯიში" სასწავლო პროცესი ორშაბათს, 15 სექტემბერს განახლდება, მომავალი კვირიდან გიმნაზიაში კიდევ ერთი, წარმატებული და შედეგზე ორიენტირებული სასწავლო წელი იწყება.
