ჯიჯი

GG -Gurtskaya Gymnasium

უმაღლესი ხარისხის სასკოლო განათლება ზუგდიდში

🏛️ „ჯიჯი" (GG) დაფუძნდა 2011 წლის 20 სექტემბერს.

ჯიჯი შეიქმნა გაუქმებული, ყოფილი მე-7 საშუალო სკოლის ტიპური შენობის ბაზაზე. რეკონსტრუქციისა და მიშენების შედეგად, შენობის საერთო ფართი გასამმაგდა და დღეს 3 416,58 კვ.მ-ს შეადგენს.

„ჯიჯი" არის უცხოეთში, საგანმანათლებლო დარგში მოღვაწე ქართველის, ბატონი ჯიმშერ ღურწკაიას საინვესტიციო პროექტი, რომლის ფარგლებშიც საქართველოს მთავრობასთან დადებული ხელშეკრულებით ნაკისრი ყველა ვალდებულება სრულად შესრულებულია.

ჯიჯიმ საგანმანათლებლო ფუნქციონირება 2013-2014 სასწავლო წლიდან დაიწყო, რასაც წინ უძღოდა:

✅ შესაბამისი სამშენებლო-სარეაბილიტაციო სამუშაოები

✅ ობიექტის ექსპლუატაციაში ჩაბარება

✅ აკრედიტაციის მიღება

✨ სახელწოდების ისტორია

ჩვენი სახელწოდების უკან დგას პატივისცემა და ოჯახური ღირებულებები. დამფუძნებლისთვის პრინციპული იყო, რომ სკოლას ეტარებინა მამამისის, საქართველოს დამსახურებული პედაგოგის, ბატონი ალექსანდრე ღურწკაიას სახელი.

სახელწოდების შერჩევისას განიხილებოდა სხვადასხვა ვარიანტი: „წიგნიერი", „პირველი", „გელათი", „ღურწკაიას გიმნაზია" და სხვა...

პრიორიტეტული ვარიანტი იყო „ღურწკაიას გიმნაზია" (ინგლისურად: Gurtskaya Gymnasium). სწორედ ამ სახელწოდებიდან აღებული პირველი ასოების (GG) ქართულმა ჟღერადობამ ჩამოყალიბა „ჯიჯი".

ეს მოკლე, ორთანხმოვანი სიტყვა, თავდაპირველად მშენებლებმა აიტაცეს და მოფანტეს ჩვენს პატარა ქალაქში, რის შემდეგ სახელწოდების სხვა ვარიანტებს აზრი დაეკარგა. „ჯიჯი" სწრაფად გახდა სკოლის განუყოფელი ბრენდი. ბავშვები სიამოვნებით და სითბოთი წარმოთქვამენ „ჯიჯიში მინდა"- ს, და ეს სწორედ ის ემოციაა, რასაც ვქმნით ჩვენ. 💙

... თუმცა ჯიჯის ირგვლივ ხშირად ისმის მისი სახელწოდების საინტერესო გამარტებებიც. მაგალითად, არის გავრცელებული მოსაზრება, რომ „ჯიჯი“ მომდინარეობს მეგრული სიტყვიდან — „ჯიჯი“-დან, რომელიც „დიდ ბიძას“, ანუ ბაბუის ძმას ნიშნავს. მიუხედავად იმისა, რომ ეს ვერსია არ შეესაბამება სიმართლეს, ჩვენ სიამოვნებით ვუშვებთ ასეთ ლეგენდასაც: თუ ზოგიერთს, „ჯიჯი“, „დიდი ბიძასთან“ უასოცირდება — ეს მშვენიერია! 😊

დღის განრიგი

ჯიჯიში სასწავლო დღე 9:00 საათიდან 16:45 საათამდე გრძელდება და მოიცავს როგორც საგაკვეთილო პროცესს, ასევე, კვების შესვენებებს, გახანგრძლივებულ პროგრამასა და დამატებით აქტივობებს. საგაკვეთილო პროცესი სრულდება 15:00 საათისთვის, ხოლო დარჩენილი 1 სთ და 45 წუთის განმავლობაში მოსწავლეებს აქვთ ე.წ. გახანგრძლივებული პროგრამა. აღნიშნულ პერიოდში ჯიჯიელები ამზადებენ მომდევნო დღის საშინაო დავალებებს შესაბამისი ტუტორის, ან მასწავლებლის მეთვალყურეობის ქვეშ.

ასევე, ჯიჯიელებს აქვთ ალტერნატივა, რომ ეს დავალებები, ნაწილობრივ ან სრულად, შეასრულონ შინ, ხოლო გახანგრძლივებული პროგრამის დრო დაუთმონ მათთვის საყვარელ კლუბს, დამატებით წრეს, სხვა და სხვა აქტივობებს, ან საგნის კონკრეტულ მასწავლებელთან მეცადინეობას.

საუკეთესო პედაგოგები

ჯიჯი“ ამაყობს ძლიერი და მაღალი კვალიფიკაციის პედაგოგიური გუნდით. ჩვენს სკოლაში მუშაობენ პედაგოგის უმაღლესი და პირველი კატეგორიის მქონე, სერტიფიცირებული მასწავლებლები, რომლებმაც მიიღეს შესაბამისი აკადემიური ხარისხები (ბაკალავრი, მაგისტრი და უფრო მაღალი საფეხურები) და აქვთ მნიშვნელოვანი პროფესიული გამოცდილება. ისინი რეგულარულად გადიან კვალიფიკაციის ამაღლების კურსებს, მონაწილეობენ ტრენინგებში, კონფერენციებსა და საგნობრივ პროექტებში, რაც მათ საშუალებას აძლევს, მოსწავლეებს შესთავაზონ თანამედროვე, ინოვაციურ მიდგომებზე და ინდივიდუალურ საჭიროებებზე მორგებული სწავლება. სწორედ მათი პროფესიონალიზმი, პასუხისმგებლობა და ბავშვების მიმართ გულწრფელი დამოკიდებულება გვაძლევს საფუძველს დავაფიქსიროთ – კერძო სკოლა „ჯიჯი“-ში მართლაც მუშაობენ საუკეთესო პედაგოგები.

განათლების სრული მოქნილობა

მე-4 კლასიდან მშობლებს შეუძლიათ ბავშვის სწავლების მიმართულების თავისუფლად შეცვლა. ჩვენთან პროგრამა არ იკარგება — ძირითადი საგნები რჩება, მაგრამ სურვილისამებრ შესაძლებელია ფოკუსი გადავიტანოთ კონკრეტულ მიმართულებაზე, მაგალითად მათემატიკაზე ან ბიოლოგიაზე. ეს შესაძლებლობა აძლევს თქვენს შვილს სწავლის პროცესში სრულ კონტროლს და ინტერესების მიხედვით განვითარებას.

დამატებითი პროგრამები

ჯიჯი უზრუნველყოფს საბაზისო განათლებას და ასევე აძლევს მოსწავლეებს შესაძლებლობას, სურვილისამებრ ჩაეწერონ ფაკულტატივებზე. ყველაზე პოპულარულ სექციებს შორის განსაკუთრებით აღსანიშნავია ენობრივი მიმართულება, სადაც ბავშვები სწავლობენ ინგლისურს, გერმანულსა და რუსულს.